La Resaca (Closed)

去開灣仔搵朋友食飯，見到間新開嘅西班牙餐廳就一於試吓。粟米湯味道濃郁香甜，幼滑creamy，令人胃口大開。沙律有成3片大蝦，落足料，味道清爽開胃。鹽燒紐西蘭西冷 ($178)嗌咗5成熟，牛扒生熟度拿揑準繩，肉心粉嫩，呈桃紅色，入口鬆化之餘仍保持咬口，肉汁豐富。香煎加拿大豬架 ($178)豬架厚身，口感爽脆有彈性，咬落鬆軟有肉汁，肉味濃郁且帶有少少脂肪，有油香。紅豆椰汁奶凍入口椰香味濃郁，清香微甜，香軟幼滑，入口即溶，加上軟糯嘅紅豆，令味道更加有層次，驚喜又滿足！