真秘鍋 (Closed)

呢晚約咗兩個朋友食飯 佢哋想打邊爐就喺旺角搵左呢一間真秘鍋試下😌龍蝦湯底我地叫咗呢款龍蝦湯底🦞 見到個湯底就忍唔住飲咗幾啖 湯底超鮮甜 好濃 龍蝦夠鮮味 龍蝦鉗好大隻呀啖啖肉 超正！打邊爐點可以唔食啲丸 我地叫咗呢款丸拼盤 賣相一流 總共五款丸 我就最鍾意牛丸同墨魚丸 牛丸牛味濃 墨魚丸夠彈牙上面仲有啲蟹子添呢款一定要點 係冰鎮鮑魚呀！大大隻 好彈牙 又入味 我仲食咗兩隻 😋😋 好想再encore 竹笙 平時好少食到好味嘅竹笙 呢款竹笙吸晒啲龍蝦湯汁精華 好正 竹笙好爽口蔬菜拼盤勁大個多 仲好多款蔬菜🥬選擇打邊爐我一定會點炸響鈴 炸響鈴間間打邊爐都有 但係就唔係每一間都好好食 呢款炸響鈴即炸即上所以好鬆化 擺入湯底浸幾秒就食得 😋😋手工蘿蔔片好少食薄片狀嘅蘿蔔片 平時通常食到好厚身餐廳介紹特登切成薄片 真係好爽口特別入味 我地仲點咗呢款加拿大海膽（半版）大大塊 勁鮮甜 一啖一塊 好幸福🥰🥰🥰牛肉拼盤 打邊爐必點尤其係我咁鍾意食牛呢款牛肉拼盤有和牛 牛舌 牛白肉 牛小排 雪花牛粒一睇啲色澤就知係靚牛肉 牛味濃郁新鮮 落去龍蝦湯底食一流整體來講食物質素好好 餐廳環境唔錯食物上得快 會再同屋