壹樓火鍋 (Closed)

已有一段時間未有來幫襯, 老實說, 來時只因貪就腳, 並未對食物抱有期望, 因為年初曾來過, 食物只屬一般...怎料這次到訪發現就跟上次不一樣了, 眼見魚缸有很多我喜歡的海鮮選擇, 一於食豪D, 我們一行四人點了一頓以海鮮為主打的邊爐, 包括: 蕃茄蟹鍋、象拔蚌、聖子王、花竹蝦、鮑魚、花甲、蟹粉墨魚丸、鬼蝦條、牛頸脊、炸米...等等... 所有食物都非常美味!!! 象拔蚌 - 超爽甜...聖子王 - 真係好鮮甜...花竹蝦 - 新鮮彈牙(上桌時還在舞瓜)...鮑魚 - 夠鮮夠lum...花甲 - 超級肥大肉厚...蟹粉墨魚丸 - D蟹粉味香到呢....鬼蝦條 - 好有特色, 外面未食過...牛頸脊 - 我不大好牛, 但朋友話好正...不得不講, 個"炸米" 加埋我地呢個超級鮮甜湯底簡直係絕配, 我飽到暈都可以食左兩碗呀!!!PS. 店員服務態度友善, 跟她閒聊先知原來轉左廚師幾個月, 唔怪得個湯底好味左o甘多啦! 連我住調景嶺個朋友都話下次要帶埋老公黎食, 呢個廚師應記一功啦!!!