巧饍坊(素食)

Open Now

Now Closed

今日放假想食素，去了黃埔"巧饍坊"試下，到了門口見到好多盞蓮花燈，感覺好寧靜舒服，餐牌款式有好多，有套餐，有散叫，仲有點心同小菜，真係花多眼亂，餐廳係用 QR code 落單，自己仲可以選擇減少油，少鹽，少糖非常健康。今次叫了六款食物，有淮山紫米粽，蒸薺菜包，鳳梨生炒骨， 千島醬脆皮蘿蔔糕，素燒賣及豉油皇炒腸粉淮山紫米粽糉夠實淨，好多紫米同淮山，仲有粟子粒，營養豐富豉油皇炒腸粉份量都大碟，腸粉食落煙韌，唔會太咸鑊氣夠，加埋芽菜，芹菜同芝麻，味道唔錯蒸薺菜包包好軟熟，中間滿滿薺菜同木耳，口感豐富，味道清新千島醬脆皮蘿蔔糕熱辣辣嘅蘿蔔糕外脆內軟，面層放滿素肉鬆同芝麻，加埋千島醬汁真係好夾鳳梨生炒骨生炒骨外層係腐皮，一層層腐皮包住中間蓮藕捲成，層次感唔錯，配埋青椒，紅椒，黃椒色彩繽紛，食落酸酸甜甜好開胃，口感好似食緊真排骨素燒賣燒賣皮好薄，餡料豐富，有木耳，粉絲，香菇同紅蘿蔔，食落好有口感