27
20
12
Level2
23
0
有驚喜的冰室！🥰
2021-08-19 178 views
喺旺角行街，見到呢間新開冰室，就入嚟試吓～精緻晚餐A 燒汁香草羊扒煙肉配薯菜 套餐送蓮藕綠豆章魚湯 $73除咗薯菜之外仲可以揀白飯同意粉，湯方面亦都有羅宋湯揀。本身冇諗過冰室真係會做到精緻，點知上到嚟擺盤又靚，份量唔少。羊排有兩件，啲汁幾好食，連我尼個唔太食羊嘅人都覺得好食🤟🏻佢啲薯菜係炸薯角同西蘭花，仲有三粒車厘茄，朔埋啲汁超正🥰比較驚喜嘅係竟然有中式湯，仲要好好飲，有兩大舊蓮藕係入邊，比起羅宋湯真係10分推薦！泡菜鰻魚炒飯 $69上黎真係好大碟😂細食嘅話兩個人分都太多，佢有比幾塊泡菜，個飯有蛋，有菜粒，鰻魚切得大粒啲就再好啲啦～不過炒飯通常所有配料都好細粒，都冇乜所謂😂個飯都幾有鑊氣，係幾好食嘅。芒椰蜜桃冰 跟餐加$10好甜😂但佢有比幾塊蜜桃，上面又有椰奶，冰室來講賣相真係幾靚。因為係新開所以環境都幾靚，夠光猛，員工都nice。我哋唔小心倒瀉咗杯水見到都即刻過嚟抹，枱面上面啲辣椒醬都係獨立包裝，比較衛生。但始終係冰室所以環境會嘈咗少少，不過最重要嘅食物都好滿意！野又好食賣相又好，希望水準可以keep住有啦，旺角呢區晚市做到咁平，又好食又大份嘅已經唔多啦～
Read full review
喺旺角行街，見到呢間新開冰室，就入嚟試吓～


精緻晚餐A 燒汁香草羊扒煙肉配薯菜 套餐送蓮藕綠豆章魚湯 $73
除咗薯菜之外仲可以揀白飯同意粉，湯方面亦都有羅宋湯揀。本身冇諗過冰室真係會做到精緻，點知上到嚟擺盤又靚，份量唔少。羊排有兩件，啲汁幾好食，連我尼個唔太食羊嘅人都覺得好食🤟🏻佢啲薯菜係炸薯角同西蘭花，仲有三粒車厘茄，朔埋啲汁超正🥰
比較驚喜嘅係竟然有中式湯，仲要好好飲，有兩大舊蓮藕係入邊，比起羅宋湯真係10分推薦！


泡菜鰻魚炒飯 $69
上黎真係好大碟😂細食嘅話兩個人分都太多，佢有比幾塊泡菜，個飯有蛋，有菜粒，鰻魚切得大粒啲就再好啲啦～不過炒飯通常所有配料都好細粒，都冇乜所謂😂個飯都幾有鑊氣，係幾好食嘅。


芒椰蜜桃冰 跟餐加$10
好甜😂但佢有比幾塊蜜桃，上面又有椰奶，冰室來講賣相真係幾靚。


因為係新開所以環境都幾靚，夠光猛，員工都nice。我哋唔小心倒瀉咗杯水見到都即刻過嚟抹，枱面上面啲辣椒醬都係獨立包裝，比較衛生。但始終係冰室所以環境會嘈咗少少，不過最重要嘅食物都好滿意！野又好食賣相又好，希望水準可以keep住有啦，旺角呢區晚市做到咁平，又好食又大份嘅已經唔多啦～
(The above review is the personal opinion of a user which does not represent OpenRice's point of view.)
  • Recommend
    Recommended
  • Report
Post
DETAILED RATING
Taste
Decor
Service
Hygiene
Value
Date of Visit
2021-08-19
Dining Method
Dine In
Spending Per Head
$80 (Dinner)
Recommended Dishes
  • 精緻晚餐