墾丁茶房 (Closed)

事緣要響mega box 睇戲，時間緊迫要食個快飯，近近地試下呢間墾丁茶房。晚餐有豬骨湯，及珍珠奶茶，蜂蜜紅茶，柚子蜜等等選擇鹽酥雞排香菇肉燥飯（62 蚊），加小食鹽酥茄子。雞排炸得夠鬆軟，非常香口，又唔會成口粉。掂！茄子睇相就知，大大舊，超足料！好少可出街食到啲茄子會份量十足架！表面有少少辣粉，好惹味，內裡仲有茄子既水份，唔會炸到乾淨淨，正！至於個肉燥飯就普通，啲肉燥既味道唔係台灣既味道，有啲似港式麵豉肉碎咁。肉燥大蝦炆鴛鴦粉（60蚊），一粗一幼既米粉咁，食落口感幾得意，似平時食既炆米咁，但呢個就係肉燥版炆米。最後甜品有鳳梨啫喱，上面有啲菠蘿碎，下面係菠蘿味啫喱，酸酸甜甜，飯後食岩曬消消滯！仲有兩杯凍珍珠奶茶，茶味夠香濃，珍珠軟硬適中，不錯。