三星台菜食堂 (新城市廣場一期) (Closed)

成日都見好多人讚呢間牛肉麵好食，今次終於黎試下🤤紅燒牛肉麵 有驚喜！😆牛肉麵湯底黎講呢間真心出色！濃淡度啱啱好 香濃得黎又唔會太鹹～味道有層次 好香牛骨同藥材香味😍湯底清澈唔油膩 飲落冇味精感覺～牛肉肉質非常軟稔 入口軟嫩😋✨麵條係粗身扁麵 口感好彈牙幾有咬口 係碗各方面都表現唔錯既牛肉麵😝🍜阿嫲魯肉飯 賣相勁吸引！😍魯肉肥瘦適中 好入味 味道甜甜鹹鹹好香～最鍾意佢加咗好多一片片既冬菇🍄食落味道更加香更豐富🤤配埋酸菜好開胃！個溏心蛋仲正🥚口感軟滑充滿蛋香 配埋甜甜地既紅豆支撈埋食超正！推介ლ(´ڡ`ლ)🌟!!!魯肉拌麵 配料同魯肉飯幾乎冇乜分別😝呢碗拌麵仲加咗好多炸蒜撈埋食好香🤤但個人認為都係魯肉飯好味啲！滷牛肚 牛肚偏稔 冇咗Q彈爽口既口感🤔同埋切得比較厚同大塊 個汁又超級鹹😖唔算伏但唔推介～超級水果茶 正常質素 普普通通 唔會太甜 都幾好飲😛唔算太多水果，主要都係橙同蘋果🍎🍊我更偏好茶味濃同百香果重啲既水果茶🤔所以呢杯未到話好驚喜好推介～整體食物質素唔錯仲係黃店，絕對值得一試💛係環境同服務一般般，但都會再encore試埋芋圓冰同鹽酥雞😍🥰