慢煮工業 (Closed)

今日嚟到太子搵食，見到呢間西餐廳裝修幾有趣，所以入去試一試，餐廳喺2樓，樓梯掛咗一幅畫，睇到人覺得好怕羞，哈哈！餐廳環境舒適，牆上掛有霓虹燈扭成的英文字母及圖案，十分有趣。坐位寬闊，枱與枱之間有適當嘅距離，可以俾人傾吓計，講下俏俏話，餐廳播放著輕鬆的音樂，係聚餐聊天的好地方。美式烤豬仔骨，78蚊，有四條，豬仔骨十分嫩滑入味。看見餐牌上特別推介威靈頓牛柳，加上特價188蚊，所以就試一試，提提大家，威靈頓牛柳是需要預訂的。牛柳上枱的時候真係好驚喜，點解睇唔到舊牛柳，原來牛柳比一層酥皮包住左，入邊仲有切碎左嘅蘑菇，牛柳牛味濃，煎得剛剛好，有肉汁，嫩滑，好特別，好好食。特別一提，餐廳內所用的餐具十分有趣，係一把迷你版大菜刀，配上雲石碟，so cute。