Mazazu Crepe (Closed)

今晚放左工同女友到世貿中心行 twist (final sale)，點知佢係 twist 揀唔啱野，所以就再慢慢行埋上面d舖頭。 行到3樓，精明既女朋友居然望到滿記隔離有得食 crepe。 經過店員推介後先知道原來呢間店既雪糕都係經日本入口，而係日本都十分有名。 不過因為女朋友唔係好舒服所以冇買佢最出名既北海道牛奶雪糕，所以買左女朋友既favorite = 朱古力醬+香蕉　crepe 。 其實除左我地叫左最 classic 既 味道，佢仲有其他幾得意既味道，例如吞拿魚沙津，brownie 及抹茶紅豆白玉。。 價錢又唔算貴; 係街食都要 10 幾 20 蚊la ，而且仲有位坐，同女朋友尼就最啱，可以慢慢sweet sweet...連一向唔係好鐘意食甜品既我都覺得好好食 ，個 crepe 既 cream 又唔算太甜，啱啱好...不過下次要等女朋友好番先再食la，除左 crepe 之外佢仲有軟雪糕賣，牧場牛奶同哈蜜瓜味都好似係唔錯既選擇...不過如果佢個位置可以係出少少就仲好，因為間舖都係幾入架，不係咁易睇到。