意樂餐廳 (禾輋廣場) (Closed)

住沙田咁耐，都係第一次黎呢間「意樂」。是日星期日，同朋友們練跑，話晒距離渣馬仲有2個月多少少，係時候要開始操，大家跑完接近11公里之後，就黎呢到食返個早餐啦。朋友介紹呢到既蕃茄通粉，話好好味，咁我就叫左個蕃茄火腿蛋通粉黎試下啦。蕃茄味超濃，湯仲係熱辣辣，配埋隻半生熟雞蛋同埋火腿，味道簡直一流。本身加3蚊可以要多塊厚多士，但本人胃口唔大，所以無叫到。熱奶茶超好味，濃度剛剛好，仲要夠熱添。