麺屋武蔵 (Closed)

一向對呢間麵屋武藏印象都麻麻，因為以前食過覺得好一般尤其個沾汁麵個湯水汪汪咁完全掛唔到麵，但朋友話最近佢哋個沾汁麵改良左好食過以前，今日咁啱嚟開東港城就試下啦，我點左個白沾汁麵，大約等左10分鐘左右麵就嚟到，賣相ok正常，原來改良左嘅係沾汁湯，比以前杰同鮮味左好多，而麵亦煮得啱啱好煙韌彈牙，叉燒同玉子都ok唔錯嘅，而荀乾有少少麻香同微暖應該係啱啱炒過，最後埋單時候同樓面同事講話個沾汁麵比以前好食，佢哋回覆話原來係日本師傅最近嚟香港改左煲湯方法同加多左材料，咁下次可以再嚟再試埋佢哋嘅湯麵。