波仔

Open Now

Now Closed

自己一向都有食開波仔嘅叮叮飯同粥，今日黎到荃灣周氏大廈嘅新店就入去行吓。印象中波仔店有叮叮飯、叮叮粥、糖水同沙律菜，估唔到依家仲多咗好多款式嘅食品，例如有蝦餃、肉鬆粢飯、雞軟骨、薄餅、小籠包、饅頭、炆豬手等等，而且仲有其他乾貨賣真係與時並進。依家仲有埋熟食區，提供小食、蒸飯、咖啡、湯水等等，最後買咗份西多士同其他叮叮食品返屋企嘆吓。返到屋企即刻食西多士，西多士厚身之餘口感鬆化，花生醬亦夠香，呢個小食都幾有驚喜，之後見有啲口痕再整埋個香辣豬肉炒河，炒河幾足料，味道唔差帶少少微辣。晚餐加餸煮咗南乳花生炆豬手，豬手份量幾多有五隻，豬手炆得夠軟腍，南乳汁亦非常啱屋企人口味，屋企人仲問我呢個餸喺邊間小菜館買。