曼谷車站

Open Now

Now Closed

試過幾次經過這裏睇醫生都見到有間泰國菜館叫 曼谷車站，一路都很想入去試下，昨日下午終於有機會。場內裝修得像坐在火車上品嚐食物， 又新鮮又有趣。 每次到餐廳都最鍾意睇餐牌， 睇完一輪之後決定點海南雞飯$68，蝦炒金邊粉$62， 馬拉盞炒椰菜苗$59， 芒果糯米飯$48， 熱奶茶$32。海南雞飯 ~ 黃油飯香噴噴，雞肉肉質鮮嫩。蝦炒金邊粉 ~ 每次吃泰國菜必叫的，喜歡甜甜酸酸的味道，又開胃又好味。這個金邊粉炒得夠乾身， 一碟大約有三至四隻蝦。馬拉盞炒椰菜苗 ~ 有少少辣夠惹味。芒果糯米飯 ~ 泰國甜品首選， 糯米飯熱辣辣夠煙韌， 芒果是用泰國芒果又甜又香， 配埋椰汁的香味，食到停唔到口。熱奶茶 ~ 反而飲品方面就沒有特別，如果可以做到泰式奶茶的效果就更好了。第一次到曼谷車站，個人感覺食物質素唔錯和價錢優惠， 是一間可以繼續幫襯的餐廳。