華記海鮮飯店

Open Now

Now Closed

去咗梅窩玩，晚餐時間想搵檔海邊海鮮檔食下，見呢間有張邊邊檯，就坐低咗。本身諗住呢啲都係一般飯店，但竟然有驚喜。蠔餅- 蠔仔唔算好多，但都算份量適中，有鑊氣，一啲都唔咸，正炒硯- 好好味，足料，味道適中，熱辣辣，如果加啲配料，例如三色椒同洋蔥，應該會更好，不過可能老闆想比足啲硯既份量，所以先咁既安排。椒鹽鮮魷- 炸粉唔厚，魷魚好好肉，可惜略為咸咗啲。總括食物質素係好味既，服務質素都ok。唯一想提一下，當我哋食食吓既時候，都滿座了，有兩個客人到了，然後話訂咗檯，但店員話佢訂嗰張檯有人坐咗，個客話訂咗位架喎，店員就話”訂咗檯但有人坐低了都無辦法”，咁訂檯有咩用呢？！😂😂😂