CHIMPZ (Closed)

同朋友行行吓街，發現咗渣甸街裡面有間小店，望落價錢亦合理，一於試試佢。白酒牛油煮大蜆蜆肉好新鮮好肥美，充滿着蒜蓉牛油嘅香味，必食推介。猩猩迷宮呢個九宮格設計的All day breakfast, 好得意，入面有紅菜頭番薯沙律，牛角包，牛油果沙律，大啡菇，菠菜，大蕃茄，煙三文魚配蟹籽，黑松露炒滑蛋及直布羅陀腸。打卡一流之餘，每款嘅味道亦唔錯。香煎北海道帶子配黑松露燴意大利飯帶子大大粒，煎到好香口，配埋口感豐富的黑松露意大利飯，完全係味覺享受。烤蘋果脆頂奶酥配雪糕超有水準的一個Apple crumble, 甜度適中，奶酥餅配脆脆加埋烤熱咗嘅蘋果配cookie味雪糕，同時感受到冷熱係口入面個種層次。法式焦糖燉蛋焦糖面燒得剛好，唔會太燶引起苦澀味，燉蛋亦好滑。呢間小店食物質素及服務都好好，價錢大眾化，位置又方便，一定會再翻轉頭幫襯。