Video
Read full review
2018-12-07
323 views
又到lunch time~ 一心同飯腳上黎原址嘅老虎狗餐廳食pizza，點知去到門口先知...... 佢執咗😱取而代之嘅係呢間阿根廷餐廳🍴咁既然嚟到門口喇，見餐牌都好似ok，咁就入去試下啦🙈入到去，餐廳格局同上手無乜分別4,5張枱，個open kitchen差不多佔店面嘅一半面積，裝修乾淨企理⬆️坐低嘅視覺坐低之後略懂廣東話嘅waitress俾menu我地睇因為我同飯腳對阿根廷菜無乜研究，加上都係小學生口味，所以見到肉就叫哈哈哈🍖⬆️lunch set分appetizer, sides同mains各揀一款*我到打食評呢一刻先見到原來menu最上面係有Argentinian Steak😱車，下次食哈哈🤣落完單就上左籃餐包~救命！！個包好好食呀😭😭😭非常香嘅麥味，微溫，外皮脆得黎唔韌，入面軟得黎有彈性😍牛油雪到硬，不過查到上到一溫一凍嘅口感真係好正，本身怕食太多會飽，最後都忍唔住啪左2塊🤣小妹閒時都有整下包仔，食完真係好想入去問佢個包用咩粉整🙈 ⬆️Soup of the day(南瓜忌廉湯)南瓜打到好滑，入口唔會話好假嘅甜味，好飲👍🏻⬆️Chorizo Sausage大鄉里叫咗都唔知係咩🙈上網查
一心同飯腳上黎原址嘅老虎狗餐廳食pizza，點知去到門口先知...... 佢執咗😱
取而代之嘅係呢間阿根廷餐廳🍴
咁既然嚟到門口喇，見餐牌都好似ok，咁就入去試下啦🙈
入到去，餐廳格局同上手無乜分別
4,5張枱，個open kitchen差不多佔店面嘅一半面積，裝修乾淨企理
⬆️坐低嘅視覺
坐低之後略懂廣東話嘅waitress俾menu我地睇
因為我同飯腳對阿根廷菜無乜研究，加上都係小學生口味，所以見到肉就叫哈哈哈🍖
⬆️lunch set分appetizer, sides同mains各揀一款
*我到打食評呢一刻先見到原來menu最上面係有Argentinian Steak😱
車，下次食哈哈🤣
落完單就上左籃餐包~
救命！！
個包好好食呀😭😭😭
非常香嘅麥味，微溫，外皮脆得黎唔韌，入面軟得黎有彈性😍
牛油雪到硬，不過查到上到一溫一凍嘅口感真係好正，本身怕食太多會飽，最後都忍唔住啪左2塊🤣
小妹閒時都有整下包仔，食完真係好想入去問佢個包用咩粉整🙈
⬆️Soup of the day(南瓜忌廉湯)
南瓜打到好滑，入口唔會話好假嘅甜味，好飲👍🏻
⬆️Chorizo Sausage
大鄉里叫咗都唔知係咩🙈
上網查先知係原來係混合豬肉同牛肉嘅香腸
切片煎香之後好大塊
呢個又係好！好！食！
略咸，配埋個Chimichurri sauce蕃茜醬真係好夾😭😭
友人話夾包好食！
呀.. 我食到呢度就諗，究竟我係咪因爲肚餓所以食乜都話好食🤔
⬆️Milanesa
阿根廷國民美食炸牛排🥩
炸完嘅薄牛扒上面加蕃茄醬同芝士再焗~
老實講我分唔到佢係牛肉定豬肉，有啲似港式焗吉烈豬扒飯嘅豬扒哈哈
不過都係好食嘅☺️
⬆️Salmon
呢個就相對普通，三文魚煎香配飯，三文魚多汁但比較鞋口，反而個飯幾乾身，啱哂鍾意食硬飯嘅我😅
⬆️’Provenzal’ Skinny Fries
我諗其實薯條只要新鮮熱辣炸得透就好難唔好食🤣
幼身嘅薯條上面灑上parsley蒜蓉，第一啖入口覺得唔係好夾架，有啲乾，但佢好似有種魔力咁，食食下差不多食哂哈哈哈
⬆️Sautéed mushroom
清炒蘑菇，無乜調味，食菇嘅原味，好多汁，原粒食口感好似食肉咁哈哈哈🙈
食到飽一飽諗住埋單嗰陣，waitress突然過黎擺低呢碟嘢俾我地
我心諗唔係要加錢先有甜品架咩？我好飽喇喎😌
點知佢同我地講呢個係送俾我地嘅哈哈
原來我地係佢地嘅第一個客人😆
⬆️雖然係送嘅，但都好好味，餅非常鬆化，中間應該係牛奶焦糖，不太甜，好香焦糖味
*跟餐一人有一杯soft drinks，我同友人叫左可樂同凍檸茶，不過無影相
成餐感覺好圓滿，由頭盤到甜品都好滿意👍🏻
埋單加埋一每人$150~
中環黎講正常價錢啦
不過一路食嘅時候一路同友人講，喺香港食到好嘅餐廳嗰陣都會驚
一係驚佢虎頭蛇尾，開頭好食，之後愈整愈差
一係驚佢做得好，愈來愈多人食，到時想食又要排隊
最後就係怕佢好食，但又無人欣賞，結果做唔住，又少左個食好野嘅地方...
有時做人真係矛盾哈哈😌
I really enjoy the food here and please keep it up👍🏻👍🏻
*食到一半有另一枱食客入左黎，我同友人瘋狂推介麵包，Chorizo Sausage同Milanesa俾佢地，希望無嚇親佢地🙇🏻♀️ 我地唔係做媒架哈哈🙈
Post
