Macaroni Dessert Bar (Closed)

去開何文田辦事，見肚餓就係附近搵食。搵到呢間隱世西餐廳，估唔到有意外驚喜😋我哋叫咗三個下午茶餐：✿芝士牛肉漢堡配薯條 $54麵包烘得好香脆，加分💯入面有芝士、牛肉、蕃茄，生菜，食落好juicy唔會乾。薯條食得出係即叫即炸，新鮮熱辣，脆卜卜特別好味😋✿炸魚薯條 $40炸魚柳都唔錯，夠香脆又唔會太厚粉，有少少鹽味，加埋他他醬食就perfect池🤗️魚柳略嫌唔夠大塊，不過$40已經好抵！薯條同上一樣好食。✿紅桑莓開心果芝士蛋糕 $48賣相幾靚💕蛋糕質地都夠滑，食到有啲紅桑莓顆粒，甜中帶一點微酸，開胃唔膩，不過開心果味唔夠突出，可以更好。✿熱即磨咖啡(跟餐免費)下午茶餐連熱飲，即磨咖啡夠香濃，就算飲齋啡都唔會話太苦澀，好有咖啡味，加咗奶就更香滑☕️呢間餐廳門面唔起眼，但食物相當有驚喜👍餐廳設計簡約，以型格的黑色為主，座位闊落舒服，間隔都算有隱私。店主養咗一隻好可愛嘅貓貓😍忍唔住跟住佢嚟影相～今次試咗下午茶餐，非常抵食，有機會再Encore試埋Lunch/Dinner。