반찬앤쿡 Banchan and Cook (時代廣場) (Closed)

之前食過太古城同一間覺得佢哋嘅蛋包飯唔錯，尋晚喺時代廣場9樓見到，就同我Oppa嚟食😍。泡菜炒五花肉包飯 由於上次食過覺得蛋包飯係正嘢，既然肯定蛋包飯係呢度出名，一坐底就叫咗個泡菜炒五花肉嘅蛋包飯，從賣相到味道都係好滿意，呢個係飽肚又好吃之選😋，真係難怪人人都叫。最欣賞始終係佢個蛋包飯唔肥膩，蛋嘅層次感好出同好滑🥰，泡菜炒五花肉好入味送飯啱晒，配上沙律菜，精美上碟。傳統紫菜包飯呢個又係飽肚感超凡，傳統嘅韓式紫菜卷，比較健康嘅選擇，紅蘿蔔同青瓜絲好多，清清地幾fresh，新鮮即叫即卷，紫菜唔會話淋唒，有誠意。黑炸醬有骨炸雞好有驚喜嘅成坐山咁震撼炸雞呀😍，打咭able又夠味蕾上有衝擊嘅黑炸醬雞肉，而且肉質鮮嫩，推介呢！甜品烤朱古力棉花糖邪惡嘅味道，充滿童年回憶，係小學嘅BBQ時食過嘅入口即溶軟綿綿半熟棉花糖，配上朱古力醬同消化餅碎，就像改良版一樣嘅進階燒棉花糖食法。吸血鬼的梳打萬聖節嘅關係，迎接叫咗杯有特色嘅飲品，好彩係杯，唔甜嘅梳打水。