鱻屋 (Closed)

一行四人於西灣河體育館出嚟，就去太安樓搵嘢食，無意中俾一間新開張日式小店店名吸引，眾人都贊成入內試試，地方雖小，卻乾淨企理，用的器皿都有大店般雅緻，正合小妹要求！餐牌圖文並茂，圖片吸引，第一個柯打上枱＂鱻屋特選五味丼，非常吸睛，一個字形容＂鮮＂，跟店名一樣音。至於＂原條鰻魚丼＂，色澤略嫌濃咗咁色，不過食落都好滋味，另一個柯打＂火焰左口魚裙邊丼＂白濛濛冇乜色，賣相不吸引，不過食落非常嫩滑、很有魚油香味，連飯粒都黐有魚油香味！一粒飯都食晒，係一個驚喜，大家都好滿意這餐。