Made in HK Restaurant (Closed)

星期五收工想食好少少，就去咗觀塘APM。見到呢間餐廳個set dinner幾吸引，環境又好舒服咁，就去咗試吓。焗酥皮威靈頓牛柳半薯菜$178套餐可以選擇餐湯或者沙律，當日嘅餐湯係番茄忌廉湯。番茄味酸甜恰好，忌廉非常柔滑，令人好醒神。牛油餐包非常軟熟。主菜！酥皮非常鬆化！牛柳非常多汁，係美麗嘅五成熟😍內裏仲有野菌，更加帶出牛肉嘅鮮味，亦增添水份。加埋一杯凍檸茶，清甜解渴。焗鴛鴦炒飯$128梅菜魚柳香檳忌廉汁配肉醬牛柳男朋友想試吓新野，就叫左呢個焗飯。忌廉汁好cheesy!!魚肉夠moist!食到少少梅菜，但又唔會太濃。同男朋友一致喜愛呢個肉醬牛柳汁！牛肉一啲都唔韌！每一口都充滿牛肉味！整體個飯都幾出色。心太軟配意大利雪糕$68綠茶意大利雪糕非常幼滑，綠茶味道濃厚,配上綠茶脆脆，增添口感。心太軟是fusion菜式！花生味, Rich ,一切開,煉奶蜂擁而出，好正。感覺像食緊奶醬多，好有特色,男朋友好鍾意。