Lucky Ristorante (Closed)

朋友生日而因為之前食過午餐感覺不錯，所以晚餐都揀呢間。 book位時候同一樣講定朋友名待order甜品時代寫上名字。 去到19:20坐低之後再叫食物～一個pizza, 沙律（呢個Parma Ham無花果沙律配黑醋吾錯），意粉，串燒拼盆。 但係由我哋order 食物,到上完所有食物兼享用完都只係20:00. 其實唔知點解佢哋咁急趕要係咁不停上晒所有嘢食？因為唔想啲食物凍，所以都搞到我哋都食得好趕。 幸好我哋之後order咖啡飲品因為想傾吓偈， 自己調節返個進度慢少少。 不過當我哋傾傾吓偈嘅時候， 突然之間有位女職員行過嚟問我哋係咪話係咪話甜品想寫字？咁麻煩你哋叫甜品先，因為需要時間（甜品來到時間是20:41） 。 其實原本我哋係諗住俾個驚喜個壽星主角，但係職員喺個壽星主角面前問呢樣嘢嘅時候大家都愕然😨。我唔知呢個情況係一向都係咁還是只係單一角色嘅同事會咁樣做？其實係好唔專業； 其實佢可以好婉轉咁樣問係咪需要叫甜品，因為製作需時呢啲字眼，而唔係好似個職員咁樣嘅表達，真係真係令我哋好失望。 希望貴公司可以注意下呢個問題，另上菜嘅速度可以減慢少少，等我哋可以慢慢享受一頓美味嘅晚餐。