奇納百川 (Closed)

因為有海港城coupon同朋友介紹，今日去左試呢間韓國餐廳。星期六日無得book位，只可以walk-in。等左大約1個鐘。要注意如果過左號碼係無得補飛，要重新攞飛。限時90分鐘。落左單好快上菜。沙律好大份，有牛肉雞肉牛油果等，十分足料！！蕃薯條脆卜卜，個醬個柚子味好出！炸雞勁新鮮，外脆內嫩。個蒜香蜜糖汁好好味！紫菜包飯卷都唔錯，好足料。之後想加單叫埋另一款時已經售罄，要落單要趁早。海膽烏冬真心好食，大推👍。佢同一般海膽忌廉醬唔同，有醬油味，所以唔會膩。焦糖蛋系列飲品有驚喜，特別係咖啡十分配甜甜脆脆嘅焦糖面。放耐左個焦糖會結成一片，建議盡快飲用。紅橙泡泡味道一般，打卡一流。服務一般。味道有驚喜。用海港城coupon後性價比高。有機會會再黎。