海南少爺 (Closed)

耐不耐就會同友人去尖沙咀誠品，呢日友人話好想食肉骨茶，即刻諗起「海南少爺」除咗肉骨茶，仲order 咗滷水拼盤、撈起沙律 同 甜品🔸馬來西亞肉骨茶溫和嘅藥材味夠晒大眾化固定配料有響鈴、豆卜、油條、炸魚皮 同炸支竹自選肉肉配料4選2: 排骨、豬手、豬腩肉、豬肚我哋揀咗排骨+ 排骨 😋🔸迷你滷水拼盤呢個係order 馬來西亞肉骨茶加配嘅份量啱晒我同朋友～2人前～ 滷水拼盤有齊花生、雞腳、豬手、豆腐、鴨蛋滷水味啱啱好雞腳同豬手夠晒軟腍鴨蛋食落比雞蛋更香，個蛋黃仲要係流心㗎😍🔸麻醬雞絲撈起沙律嚟過呢到用餐好幾次，呢個撈起沙律都係第一次試好有驚喜～🤩除咗雞絲，仲有好多款其他配料：魚仔乾、紅蘿蔔絲、青瓜絲、紫椰菜絲、木耳絲、牛蒡絲、米粉、中華沙律、薄脆、花生碎同芝麻多種食材，多重口感加上多菜少肉，為出街用膳嘅朋友提高蔬菜攝取量👍🏻🔸海燕窩燉椰皇（熱）熱辣辣，滑嘟嘟甜度輕微、感覺健康嚟過呢度用餐好幾次，估唔到今次嚟都仲可以有驚喜，推介 ”麻醬雞絲撈起沙律”