南翔饅頭店 (Closed)

星期六放半晝, 又到銅鑼灣行街, 去左這間想試很久的南翔小籠包,印像中記得有數樣食物好多人都推介的。兩點到達, 都六成滿,被安排坐長檯櫈, 兩邊都有人, 聽到隔離檯講咩呢! 鮮肉小籠包 $33/6隻: 外皮不是好薄那種, 但勝在不易穿, 而且夠韌度, 彈牙, 裝著很多湯汁,肉餡都夠鬆軟, 但略嫌湯汁咸左些。 椒鹽腰果酥$28/4個: 聽過很多人都話好吃, 試過覺得真不錯,有意想不到的驚喜。外層很鬆化, 入面的餡料調果適中,似叉燒酥個醬, 食到好多腰果粒, 好香口。 鱔糊粗炒 $52: 點都要叫些飽肚的東西, 喜歡吃上海粗炒和鱔糊, 將兩樣二合為一就最好不過, 夠濃味但又不會太咸。黃鱔的份量還很多, 啖啖吃食到。粗炒份量不少, 足夠三人吃了。 午市不收茶錢,晚市則計$8/位茶錢, 有幾款茶選擇,下次要揀晚市光顧。因為要留肚, 所以包起了半碟炒麵和兩隻腰果酥。 賣單$124, 都算抵食。