Video
Read full review
2013-11-07
8139 views
去沙田探朋友，之後後話試新嘢，就去咗依間餐廳食自助餐，其實對自助餐興趣不大，因為食嚟食去都係嗰啲嘢，不過朋友叫到，就去試下啦。一入到去，餐廳唔係太多人，所以感覺唔錯。之後待應帶咗我哋坐近窗邊嘅位，一放低嘢就梗係出去睇下有乜好食啦。先睇冷盆～沙律選擇唔算多，正正常常有我啱食嘅羅馬生菜等，dressing 都可以接受。cold cut方面居然有parma ham!! 上次去jw marriott, 俾成600幾都冇片Parma ham 你食，山長水遠嚟到沙田居然有，我當堂抵咗。生蠔就預咗冇，有長腳蟹同唔知乜蟹仲有大蜆同蝦，味道中規中舉。之後有壽司魚生，切魚生個姐姐好熱情，係咁推介魚生俾你，我咩都要咗啲再加個mini魚生飯，魚生肥美但個飯更加出色，唔會太酸又有咬口，有heart過其他自助餐先啦，起碼個飯唔hea。之後就熱食，有粉麵同粥不過我skip咗，有咖喱同中西湯，試咗南瓜湯，好creamy又甜甜哋，好味！之後有熱食有煮花螺，咖哩蟹，煮蜆，同魚。一問之下先知做緊避風塘promotion! 嘩....避風塘抄蟹都冇就叫避風塘promotion, 似乎有點那個....由細食興記食到大，避風塘海
一入到去，餐廳唔係太多人，所以感覺唔錯。之後待應帶咗我哋坐近窗邊嘅位，一放低嘢就梗係出去睇下有乜好食啦。
先睇冷盆～
沙律選擇唔算多，正正常常有我啱食嘅羅馬生菜等，dressing 都可以接受。cold cut方面居然有parma ham!! 上次去jw marriott, 俾成600幾都冇片Parma ham 你食，山長水遠嚟到沙田居然有，我當堂抵咗。生蠔就預咗冇，有長腳蟹同唔知乜蟹仲有大蜆同蝦，味道中規中舉。之後有壽司魚生，切魚生個姐姐好熱情，係咁推介魚生俾你，我咩都要咗啲再加個mini魚生飯，魚生肥美但個飯更加出色，唔會太酸又有咬口，有heart過其他自助餐先啦，起碼個飯唔hea。
之後就熱食，有粉麵同粥不過我skip咗，有咖喱同中西湯，試咗南瓜湯，好creamy又甜甜哋，好味！之後有熱食有煮花螺，咖哩蟹，煮蜆，同魚。一問之下先知做緊避風塘promotion! 嘩....避風塘抄蟹都冇就叫避風塘promotion, 似乎有點那個....由細食興記食到大，避風塘海鮮起碼有油鹽水煮泥鰍，抄蜆抄蟹依啲菜式，仲有燒鴨河同六小碟呢，anyway, 酒店唔係專做依的菜式，就算有都未必好食，所以都尚算可以接受，我就一樣都冇試，同行友人就大讚啲咖哩蟹好味。
我就試咗barbecue rib, 燒牛肉。有驚喜就係居然有corn beef!!!!!! omg, 喺buffet食corn beef都係第一次，而且味道仲超好，又soft又入味，真係勁好食。食到依度都飽飽哋，所以鐵板燒都冇食，不過見佢哋燒啲steak好似唔錯。
甜品推介有超流心嘅心太軟同個三角形嘅chocolate cake, 個chocolate cake唔會太甜又有果醬中甜膩感,正！
而令我最最最最最喜出望外嘅係佢個皮蛋酥，細細個，中間啲蓮蓉好滑，子薑又同皮蛋好夾，真係好食到唔識形容，諗返起都流口水，一定好食過恒香榮華，唔係誇但真係比我食過嘅皮蛋酥好味，如果以後食唔返真係唔知點算！之後順便試埋個木瓜雪耳糖水，又係有驚喜，清甜有木瓜香，絕對超出自助餐預期！
咁既價錢絕對物超所值，一定會為個皮蛋酥再返嚟！
Post
