Video
Read full review
2017-07-14
1326 views
今日喺半島boutique買咗好多嘢有玫瑰紅茶、琥珀合桃、下午茶scone 1 set、三件cake。另外因為買滿$600所以另外送多一盒鐵觀音茶葉俾我果度既店員好熱情好有禮貌，不過佢地不停向我sell新product, 我喺店內行嘅時候亦步亦趨，令我好有壓迫感。 不過可能係我個人問題，我行街一向鍾意自己靜靜地一個人行。我知有人行街時鍾意俾sales跟住，感覺上服務會週到啲。首先講吓scone set, 有一個牛油鬆餅同一個提子鬆餅，仲有兩個茶包。但兩個茶包只係寫住peninsula afternoon, 所以唔肯定係咩茶。不過味道似係英式紅茶。之前喺半島大堂已經食過幾次佢嘅tea set, 最鍾意食個scone，所以今次超期待因為拎到返屋企果兩個scone已經凍咗，所以我用微波爐叮咗20秒翻熱。兩個鬆餅仍然keep到牛油香味，不過食落個感覺比較鬆散，唔知係唔係同翻叮過有關，感覺上都係喺酒店即場食比較好味。另外買咗三件cake:拿破崙蛋糕 - 外層餅皮又韌又硬，出面買嘅可能仲鬆脆過佢，唔似係五星級酒店應有嘅水準。值得讚嘅係內裏嘅cream香甜得嚟又唔“漏”，同混入嘅雲呢拿籽好match
果度既店員好熱情好有禮貌，不過佢地不停向我sell新product, 我喺店內行嘅時候亦步亦趨，令我好有壓迫感。 不過可能係我個人問題，我行街一向鍾意自己靜靜地一個人行。我知有人行街時鍾意俾sales跟住，感覺上服務會週到啲。
下午茶鬆餅
$88
177 views
0 likes
0 comments
首先講吓scone set, 有一個牛油鬆餅同一個提子鬆餅，仲有兩個茶包。但兩個茶包只係寫住
peninsula afternoon, 所以唔肯定係咩茶。不過味道似係英式紅茶。之前喺半島大堂已經食過幾次佢嘅tea set, 最鍾意食個scone，所以今次超期待
因為拎到返屋企果兩個scone已經凍咗，所以我用微波爐叮咗20秒翻熱。兩個鬆餅仍然keep到牛油香味，不過食落個感覺比較鬆散，唔知係唔係同翻叮過有關，感覺上都係喺酒店即場食比較好味。
另外買咗三件cake:
拿破崙蛋糕
$50
160 views
0 likes
0 comments
拿破崙蛋糕 - 外層餅皮又韌又硬，出面買嘅可能仲鬆脆過佢，唔似係五星級酒店應有嘅水準。值得讚嘅係內裏嘅cream香甜得嚟又唔“漏”，同混入嘅雲呢拿籽好match。
芒果布甸
$50
132 views
0 likes
0 comments
芒果布甸 - 呢個係無心插柳之下買嘅，反而帶到驚喜俾我上面既topping有啡色嘅粒粒(用餅乾碎做)、cream同白朱古力脆粒，同下面嘅芒果肉同布甸好夾下層既布甸食到好香既芒果味，甜而不膩。美中不足既係芒果肉偏酸(可能係本人口味問題，我鍾意偏甜既水果)。
士多啤梨蛋糕(唔記得影相) - 半島酒店既招牌蛋糕當然要試吓果然名不虛傳鬆軟香甜既蛋糕配上士多啤梨忌廉簡直係perfect match唯一缺點都係粒士多啤梨太酸
安溪特級鐵觀音茶
102 views
0 likes
0 comments
呢盒係送既鐵觀音(原價220)，我仲喺度諗邊有咁大隻蛤乸隨街跳，再望expiry date, 原來係8月31日到期，即係仲有個半月唔怪得會當贈品送俾人啦。不過唔緊要啦，反正我成日都飲茶。
個包裝好靚，紅色既罐身，打開蓋仲有個金色蓋個feel好elegant。
鐵觀音既味道偏苦，我唔係好飲得慣(飲開花茶)，不過我老公話茶味好香，幾好飲。
琥珀合桃(又冇影相) - 呢個原本係嘉麟樓既餐前小菜，有得喺botique 一盒盒散賣。香脆既合桃加上外層既糖漿coating，令人忍唔住一次過食晒成包
遲啲有機會分享埋玫瑰紅茶既味道。
Post
