OH MY GOOSE! (Closed)

本身對於呢一個冇乜興趣，但係晚上又唔知食乜。喺朗豪坊睇完戲，於是就試一試睇吓喺food court 搵唔搵到位啦! 竟然比我地搵到個吧枱喎！咁就一於試吓新野啦！ 見到個餐牌有黑松露手撕雞蔥油飯，已經覺得好吸引！原來唔係淨係食燒鵝價錢仲要係$48超平！ 男朋友就叫咗個叉燒蛋飯，兩碗無論賣相同味道都好好！ 當然叉燒唔係驚為天人，但係以呢個價錢來講真係算唔錯！好食過好多地方！仲要有好多件叉燒！我叫嗰個黑松露手撕雞蔥油飯我覺得好好味！ 手撕雞都有好多而且黑松露係好平均咁樣分布喺啲雞絲上邊可以食到每一啖都有黑松露味！個飯綠色已經吸引左！再加埋啲姜蓉簡直一絕 好似好誇張咁！但我真係覺得好好味！所以話$48絕對超值一定會為呢一個飯再返嚟食！