大伙頭 (Closed)

上星期，同朋友去開土瓜灣，Lunch Time到，對於我一年都去唔到一次土瓜灣，都唔知食咩好，行行下，見到有間餐廳，望落環境幾舒服，睇真啲，原來係茶餐廳，決定入去試下，聽啲職員講原來係新開，唔怪得環境裝修好新淨，感覺舒適!我叫了一個海南雞飯，幾有驚喜，啲雞確實幾滑，油飯相當唔錯，唔知落左啲咩呢？!顏色係好淡好淡嘅黃色，唔會好似一般餐廳咁用黃薑粉之類加色，朋友點了臘腸炒蛋飯，幾特別，一般茶餐廳唔會有，我試左一啖，啲蛋好滑啊，有蛋香味，飲品都好特別，本身每個餐有包一杯飲品 只要加錢就可以轉飲特飲，我地叫左一杯麥精紅豆冰，紅豆大粒而且多，同埋一杯忌廉溝鮮奶，賣相好吸引，原來係要自己倒入去杯到，牛奶同忌廉會慢慢溝埋，幾得意，幾好玩啊!