粵式生香蒸氣海鮮火鍋 (Closed)

 估唔到又幾好 wor…蒸海鮮餐廳午餐竟然係做泰菜…坐位寬闊, 好爆場! 有生猛游水海鮮, 下次可以試下晚餐! 泰式午餐好抵食, 見隔離枱枱都清碟, 咖喱連汁都清埋 (連女仔都清碟), 我哋好有期望…點知….堅掂! 蝦醬炒飯 ($50) ~ 未放枱落已經聞到好香, 飯炒得乾身, 仲有幾片葡式臘腸, 好味道! 炒金邊粉 ($52) ~ 夠味, 粉軟硬適中, 仲好多餸! 豬手飯 ($50) ~ 豬手好淋, 唔肥, 入味! 唯一飯於我有點硬! 註: 整體來說….都真係幾好食, 可以去多幾次, 下次試咖喱!