歐意餐廳 (Closed)

好耐無入上水做野了，仲諗緊要去邊度lunch 嘅時候，經過見到呢間餐廳，望下個餐牌同啲野食，又好似幾好喎，就入去坐低左， 啲座位都算闊落嘅，以我呢個身型，都坐得舒服，哈哈！叫左個吉列魚柳蛋包飯，又真係幾好味喎！魚柳唔會炸到乾哂，咬落係即炸嘅脆口，又有少少魚汁滲出，蛋包飯亦唔會太油，個茄茸汁嘅味啱啱好，唔會得個酸字，56元真係好抵食，無諗過上水都會有呢啲水準，我覺得好食過我灣仔公司樓下嘅所謂嘅西餐廳囉，我呢個星期都在上水做野，呢度就係我飯堂了！