Babmug

Open Now

Now Closed

喺荔枝角返左工一段時間，多數買外賣返公司食，食嚟食去都係果幾間，冇咩新意。前牌發現公司對面終於開咗一間韓國嘢，只做外賣，於是同同事一齊去試吓。我叫咗個炸醬麵，好好味，但可能嗰朝冇食早餐，所以覺得份量唔夠飽。同事叫咗個韓式拌飯，佢話非常好味。今日得我一個，所以特登過去買個韓式伴飯，果然好好味，而且白飯嘅份量比較多，就算男仔食都夠飽。我嘗試過佢哋嘅紫菜飯卷，呢個反而一般般，但價錢比較相宜（$40），而且唔使等。溫馨提示一下，舖頭只得一至兩個店員，所以我通常係早20分鐘WhatsApp預訂，夠鐘就過去攞（不過都要排五至10分鐘隊）。