易牙台式料理

Open Now

Now Closed

上次感覺d職員服務都幾好，加上食物幾好食，所以今次再去。呢到既職員都好用心有耐性去解答問題，我屋企人睇唔明個餐牌，問左好多野，都無嫌佢煩，無黑面。今次叫左上次食過覺得好味既蒜泥白肉同香炸地瓜條配梅粉。蒜泥白肉旁邊有幾條有青瓜配辣醬，d肉肥瘦岩岩好，食落好有味道，不過今次既蒜蓉少過上次，有點失色，希望跟住都會保持到上次既水準啦！香炸地瓜條配梅粉，姐係蕃薯條，岩岩炸好上枱，食落熱辣辣，蕃薯條入面有蕃薯既甜香味，配埋d調味既梅粉，酸酸甜甜又脆口，好正！另外仲叫左魯肉飯配大腸麵線個套餐，就係兩碗細既飯同麵，岩我兩樣都想試，又怕食唔哂既人。感覺就魯肉有點少，味道ok既。