西少爺

Open Now

Now Closed

外賣叫左油潑麵，酸辣雞雜，台山黃鱔飯，炒娃娃菜。一般食得呢d菜式都預左又油又咸，但呢間真係唔油唔咸，份量夠，味道細緻。油潑麵麻油勁香，麵外賣黎到都彈牙。酸辣雞雜夠鑊氣，d酸豆角同青椒仔爆得好香，酸豆角又唔太咸，雞雜切得夠細又脆口，好惹味停唔到口。炒娃娃菜真係正宗大陸炒菜，係落豆豉落味，唔係港式清炒嘅，夠鑊氣好食，健唔健康就是但啦😆最勁係個黃鱔燘飯，好乾身，米彈牙，調味夠又唔死咸，薑粒同少少咸魚香，幾乎有一煲咁多但都食曬完勝好多賣到3位數嘅黃鱔飯。一定會encore,下次試下其他野,但都一定要再叫黃鱔飯。