八時神仙草 (厚福街)

Open Now

Now Closed

厚福街有好多嘢食😃食完正餐最啱就係食甜品，呢度有間台式甜品店，主打仙草！裝修簡約坐得都幾舒服，同朋友仔食完飯坐低傾吓偈就啱晒。鮮奶紅豆紫米粥盛52超級推介，比我想像中好食好多，本身紅豆紫米露已經煮得好香好好味，感覺本身係微糖所以唔使擔心太甜。配料方面有芋圓、薯圓、珍珠😃超級有口感咬落去煙韌帶。加上天氣凍，呢個甜品就會變得更加吸引！仙草紫米牛奶沙冰42粒粒紫米有咬口😁芒果甘露凍42就咁睇已經見到仙草份量好多，入邊仲有啲口感煙韌嘅珍珠，飲落去酸酸地，混合起嚟口感豐富，整體都好好飲！芋泥西米奶凍42爆多芋泥😝本身勁鍾意芋泥嘅朋友要留意，呢杯冇得輸，唔會太甜芋頭味道香濃。