雅閑泰

Open Now

Now Closed

有個好朋友最近搬家搬左入元朗區，我地一班朋友本來打算去佢屋企housewarming，點知佢竟然話太多人，費事煮，就提議我哋去一間佢屋企附近嘅泰國菜，佢話坐得夠舒服，啲嘢又好食，所以我哋一班人就去咗食晚餐。 可能因為我好少去嗰頭，喺錦上路地鐵站落車行過去唔使10分鐘，就見到一個打卡一流嘅地方，原來係紅磚跳虱市場，呢度好多唔同嘅餐廳同小店，而我哋朋友預早訂咗位嘅泰式餐廳睇個樣亦都覺得相當吸引。今晚我地要左金柚子鮮蝦沙律，謝謝我都超大隻，好脆口，勁新鮮，加埋沙律醬汁真係好開胃！然後個黃金龍蝦都真係大推！外面coat住好多鹹蛋黃，超惹味！另外都要一提，就係我個朋友好醒目，咁樣預早一日預訂咗嘅黑松露鮑魚大蟶子金柚子沙律 ！大蟶子完全冇衫，勁大隻，超新鮮，配埋金柚子，更加多咗一份清新嘅感覺，鮑魚亦都有好好嘅口感，配埋黑松露醬，口感即刻昇華咗好多！呢間餐廳都真係好高質，唔係住喺呢邊嘅朋友都值得嚟一試。