吉列牛忌廉烏冬專門店 (百樂中心) (Closed)

講咗好耐要試嘅 #吉列牛忌廉烏冬專門店 ，呢日終於搵到人陪我🥳 仲諗住 #weekdays 仲要係 #上樓舖，應該唔使book位… 點知未夠七點餐廳已經坐滿六七成客😉 睇嚟今次我冇揀錯😏餐牌上除咗 #烏冬 之外，其實都有其他嘅選擇，不過話晒第一次嚟幫襯，梗係要試吓佢哋馳名嘅烏冬啦！#忌廉烏冬 賣相雖然吸引，但係睇嚟都幾肥膩吓😅 所以我最終都揀咗個 #涮涮野菜牛肉鍋，而重口味嘅朋友仔，當然要試吓佢哋嘅 #咖喱湯底 啦😉 落單冇幾耐，熱辣辣嘅 #烏冬鍋 已經送到我哋面前，清湯底飲落去都幾鮮甜，烏冬口感好軟熟，不枉我期待咗咁耐！不過最估唔到嘅係配料之一嘅 #牛肉 質素，以百幾蚊嚟講都算唔錯🤤 有牛味之餘、肉質都幾有咬口，配埋大量嘅 #娃娃菜 同 #菇菌 一齊食，呢個配搭一流🤤🤤餐廳整體食物質素令人滿意，只係兩位服務員由落單到上菜全程都木口木面… cool咗啲囉😏 不過為咗可以試埋其他款式，我應該好快會再返嚟幫襯㗎喇😉📍 吉列牛忌廉烏冬專門店 (銅鑼灣)耀華街3號百樂中心22樓