極鮨

Open Now

Now Closed

又有銅鑼灣抵食壽司Omakase推介啦，今次試晚餐有成22品，超級豐富，無論刺身、壽司及熟食都高質而且各有驚喜。而家仲做緊二人同行第二位半價優惠，真係夠哂抵食👍🏻前菜、刺身都好高質，有真蠔、鮑魚、鮟鱇魚肝、北寄貝。禾稈草煙燻鰹魚好出色，肉質爽口加上醋啫喱、生蒜，好濃郁。燒吞拿魚下巴又是另一款特色熟食，下巴油脂豐富燒香加點檸檬汁肥美肉滑，最正莫過於超級無敵脆香燒魚皮，鬆脆無比超正白子一向係我至愛，但天婦羅白子真係第一次試，薄薄一層脆漿配超級creamy入口溶化的白子真係無得彈🤤 鯖魚磯邊卷亦係全晚最喜愛之一，師傅將大蔥蒜薑等捲入鯖魚刺身，加上紫菜昆布，鮮味蔥香口感都一流，好食到要encore! 立鱗燒都相當出色，魚鱗非常香脆，魚肉嫩滑，配個南瓜蓉壽司選材都好新鮮，目光魚唔常見，灸燒後好有魚香，帶子極度鮮甜、金目鯛、深海池魚都十分出色。灸燒吞拿魚臉頰壽司，臉頰部位好少試到口感好爽彈，灸燒後油脂配搭蒜辣油的微辣特別香濃惹味不得不提打卡一流的海膽三文魚籽杯，份量非常慷慨而且高質，北海道馬糞海膽非常鮮甜配醬油漬三文魚籽的卜卜鹹鮮味好夾好好食。