翔龍拉麵小籠包 (Closed)

新裝修後的店舖添上一份型格的味道。哩間係愉景嘅排隊熱店，所以六點幾就嚟拎位，都要等到一陣先有位。七點之後門口已經好多人等位。入到去座位已經凖備好，熱茶夠熱，仲係麥茶，讚！上次食過小籠包，不是特别好味，所以今次試下其他野。所有食物即叫即整，確保新鮮熱辣辣，所以預左要等。鮮肉鍋貼點上薑絲醋，咬一口，肉汁咇出嚟，正！不過略嫌皮厚左d。 上次食叉子，今次試食薄餅。 有牛豬羊揀，揀孜然羊肉薄餅。薄餅一籠五塊，餅唔算太薄，但配上咸咸地嘅羊肉就剛好。 羊肉好令人失望，無羊味，而且鬆肉粉落得太多，失去左肉嘅質感。虾籽窩塔豆腐幾特別，未試過。 送上枱憑賣相已經令人心動。豆腐外層炸到脆一脆，但内裏保留到豆腐嘅軟滑。豆腐唔會干曾曾，一咬係有甜甜地嘅汁，仲有鮮豆腐香。外脆内軟嘅口感令人驚喜。個虾籽汁都係甜甜地，加少少炸左嘅葱絲同莞茜，味道更香。最後叫碗麵飽肚下，但係揀錯野。叫左會翔龍海鮮煨麵。 見個樣就知唔方好味。麵煮得好淋，而且好少料，得幾粒虾肉同魚肉，係一碗住家麵！哩到同以前一樣，都可以係玻璃窗見到師傅即整小籠包，麵，窩貼咁，真功夫唔怕俾人睇！