鬍鬚仔 (Closed)

年半前第一次幫襯鬍鬚仔，當時間店隱身喺青衣某屋邨街市，毫不起眼，不過正所謂有麝自然香，雖然青衣店已不在，鬍鬚仔已經喺港九新界開咗三間分店。早排去咗灣仔店，食咗個至尊牛堡，除咗牛肉漢堡，芝士同生菜蕃茄之外，仲有煙肉，蛋同洋蔥圈，配合蜜糖芥末醬，好味又豐富。我好鍾意個包，甜甜哋，同漢堡牛肉好夾；較為失色嘅係洋蔥圈，炸得好乾，有啲硬。套餐包埋薯條同汽水，都係六十蚊多啲，以呢個質素嚟講，性價比算好高👍。