糖百府 (Closed)

今日悶悶地,上左or見到呢間得左獎,就走去試下啦!!今日叫左:芒果牛奶冰味道可以,第一啖有好香既牛奶味,但慢慢食落去就略顯平凡,但加埋d草莓醬都幾好味,酸酸甜甜!糖不甩(配唐寅粉)呢個就真係差,因為佢地唔記得左糖不甩應該係甜架!!!無錯,d唐寅粉真係幾香既,但係食落唔甜既,就點香都係假,就好似食緊一團唔甜唔淡既糯米團咁,一個字"差"芒果西米露因為係我個朋友食既,所以我唔係咁清楚,但係佢就話d芒果酸酸地,d糖水唔係好夠甜喎!!!整體上環境都幾乾淨,幾好坐,但d糖水就麻麻地,覺得有d名過於實,但都會有下次既,希望佢地下次做好d啦!!!