新蔡潤記魚旦粉麵 (Closed)

話説食開最近，同佢嗰名少一個字嗰間，點知去到食開嗰間無開喎，就試下啦。真係麻麻地喎，我哋叫咗魚蛋河，湯底有啲清，都可以嘅😆感覺上健康嘅，河粉呢唔夠煙韌，麵嘅口感好一般，texture 唔喺食開嗰間嘅水平⋯⋯魚蛋岀事啦，唔彈牙，手打魚蛋喎，唔得🙃真係唔係嗰回事bor😕有無味，要配辣椒油🌶️先食到，另一樣唔掂就係魚片，無味嘅，成塊白色嘅，無炸邊，好唔掂喎，金黃色嘅邊無嘅⋯⋯怪怪的🤨，最後想再講埋嗰個炸魚皮，好硬，太難咬，要浸湯幾分鐘先可以咬到，我以為係好脆薄嘅，都唔係卜卜脆啊😩好後悔叫咗囉，浪費咗大半碟，真係唔好食⋯⋯如早點知魚蛋，魚片都如此伏，一定唔會叫剩蛋片囉，唔好食㗎，可一不可再，伏一次夠啦，不了！失望嘅一餐午餐，又唔係平。