王家沙．花樣年華 (金朝陽中心) (Closed)

全新概念嘅王家沙，諗住會同其他舊店會有點分別同驚喜，點知都係一般。論裝潢，新概念設計確實令人有新鮮感。但一講到食物質素，就可以話係有點失望。講頭盤小吃醉雞，質感較韌而酒味淡薄，食到底層啲雞先有啲酒味，但肉質真係麻麻仲要啲骨係紅色。跟著嚟碗擔擔麵，麵質不爽而且好似浸湯浸咗好耐有點發漲兼「淋」身。我哋另外叫咗個秘製牛肋骨肉，等咗45分鐘兼叫侍應生跟進咗兩次，好明顯係漏單但第一次問嘅時候冇人理會。最後終於送上枱，賣相一般但比想像中好食。整體而言，食物質素一般。如要革新托展新市場，相信喺食物設計同質素方面仍然需要改善。