豊之丼 (Closed)

近期大熱食海膽，但又唔想過海排隊，等一輪先食到。而且IG又見到有其他海膽魚生飯推介，而且又有明星推薦，睇相片亦非常吸引，一於試試中環的「豐之丼」由於真係唔想排隊，所以一早預訂坐位，雖然入座6點左右只有一枱食客，但越夜越多人，而且都是一人或二人居多，可能上班族放工後，要快快醫肚吧。店內裝潢簡單，約有十張枱左右，地方偏細，但也算舒適。我和朋友也order 了「帶子魚生飯」，至於前菜是雜菜沙律，十分開胃。但當上菜時我們也覺得失望，比預期的細碗，比較適合女孩子份量，首先海膽沒有爆滿感覺，只有3條，而且是用姜放在底，令視覺滿滿的。但值得一贊是食材新鮮，海膽來自韓國，反而帶子出色，厚厚的。如果好想食魚生飯，唔想去九龍，都可一試。