Kazuki Bakery (Closed)

平時都唔會寫食評，但有不愉快經歷所以都想分享。之前見評語唔差老婆又鐘意綠茶，就訂左個綠茶千層蛋糕幫老婆慶祝生日。攞蛋糕時蛋糕盒入面附有冰包，職員表示可以頂一個鐘，本來好放心。點知一個鐘內返到屋企個蛋糕已經變左形，老婆見到當然失望。食完覺得好大原因係個蛋糕d cream 大稀，好快已經溶，本身蛋糕又冇透明膠帶固定，佢地冇理由唔知。講返味道，綠茶味係好同夠濃，但奶味都好重，以$390一磅既價錢，會有更好選擇。