蓮香居 (Closed)

前排同朋友講起飲茶，重記得好耐之前，曾經幫襯過唔知係蓮香居定蓮香樓，記得佢嘅金錢雞超級好食 🤤 所以就同朋友揀咗蓮香居試吓，不過去到先發現自己原來之前係食蓮香樓，不過既然嚟到咁當然要幫襯下。裝修格局又係同蓮香樓差唔多，又係有手推車姐姐賣點心，啲餐具圖案又差唔多，就算連餐牌都有九成似，真係好易令人混淆。😵‍💫蝦餃、其他點心 : 蝦餃偏細粒，其他點心亦無驚喜位同賣點，最好食只有個沙翁，就連我期待已久嘅金錢雞亦做得好差，相都唔想影，超級失望。😔新鮮豬潤燒賣 : 只係豬潤加燒賣，味道十分普通。魚翅撈飯 ($98) : 都幾大兜可以三個人食，魚翅份量都唔少，不過個汁就冇咩味，有啲可惜。