星十五

Open Now

Now Closed

提供中式糖水嘅地方越來越少，呢度裝潢雖然新式，但其實主打傳統中式糖水特別之處，食店每日整作幾款點心，除咗單點糖水，重有格格套裝選擇🔅二人六格格$114🔹三款點心揀咗酒釀溏心蛋、咖哩魚蛋，同埋擂沙湯丸，每款都各有驚喜溏心蛋酒香撲鼻，香濃；擂沙湯丸暖暖地，滿滿芝麻餡，大愛；魚蛋嘅咖哩汁質地同常見嘅較輕盈，食落去咖哩香辣味慢慢湧出，好過癮🔸糖水就食精少少，補咗少少錢揀咗新會遠年陳皮紅豆沙同特製蓮子合桃露王紅豆沙濃稠，紅豆咬落軟腍。最重要整碗都起晒沙，入口充滿果皮香氣，又夾雜住陳皮微苦同紅豆甜蜜；合桃露口感綿密，合桃香味突出。入面加有粒粒蓮子，甜甜地。原來合桃露重加入淮山，感覺更加健康