甜甜咖啡 (Closed)

晌甜甜食飯好幾次，印象一向唔差。但今晚食完就唔係好想再幫襯。先是羅宋湯，只是微溫，一d都唔熱。waitress話出晒煙，唔堅持都唔打算換/加熱。上菜速度非常慢。隔離檯叫老細跟跟d野食，老細問叫左乜，佢地話羊架。老細答：羊架要焗，係耐d。我地亦都等左好耐(最後個餐等左差不多成個鍾)，「幫我睇下個吉烈豬排整成點」「整緊架喇」。 成個過程佢無了解過客人等左幾耐(佢中途上班)，無入過廚房(係開放式廚房，伸個頭入去問下都無)，亦無打算跟，只係茶餐廳式例牌答案：整緊。再問就話因為"即叫即做，係耐d"。 唔知佢係咪真係認為咁都講得通，根本問題就係：少人、少爐、或者對佢黎講-客多得濟。一般待應咁樣對客都算，但揸旗嗰個都係咁，真係好難有興趣再去。食評內既"推介美食"、"餐廳特色"，我真係揀唔落(個牛角包幾好食既)。