御前牛盛日式涮涮鍋 (Closed)

同女朋友行完旺角覺得肚餓就諗下食d乜好 佢就想打邊爐 我又想食刺身 咁岩俾我睇到有間御前牛盛日式涮涮鍋 所以決定去食！見到有龍蝦湯湯底 我地開頭都冇乜期望 點知個鍋一黎 真係有隻大龍蝦頭係入面 個湯底好濃郁呢度有個醬料區 除左有平時火鍋店應有的醬外 佢仲有得任拎雞蛋 我就最中意加隻生雞蛋落醬汁度沾架啦！刺身好快上菜 睇得出師傅唔係求其切就算 佢d擺位都執過 不過，最緊要都係要新鮮！d三文魚好肥岩晒我 仲有隻虎蝦好大隻同新鮮，仲要有蟹棒，象拔蚌，甜蝦，基本上想食果d都有齊晒除左有好多頁野食之外 佢仲有d小食喺出面俾我地拎黎食 飲品更加係多過一般火鍋店同放題野食方面，淨係牛都有幾款 海鮮仲有深海魚件，帆立貝，青口同墨魚鬚，佢d墨魚鬚仲要插到靚一靚 可以影黎厄下like下次可以試試其他湯底！