彼之丘

Open Now

Now Closed

上個禮拜去開西營盤揾食，見到有間小店主打自家製手作麵包，感覺幾吸引又唔算太貴，因為舖頭堂食位置唔多，晚餐時間等咗一陣先有位。｛牛油果蓉吞拿魚沙律 $37｝自家製麵包扎實綿密又香，配上濕潤牛油果果蓉吞拿魚沙律好滋味！｛熱溶芝士肉醬珍寶熱狗 $42｝呢款麵包就比較鬆軟，芝士味唔算太濃，肉醬加埋珍寶腸超惹味，如果可以更熱更多芝士就好啦！另外加$10可升級做套餐，粗薯條即叫即炸，外脆內綿，日式薯餅除咗香口，內餡仲有蔬菜料，非常可口！｛手打黑糖珍珠奶茶 $22｝黑糖珍珠好高質，味道香濃，口感煙韌，奶茶茶味幾濃！｛宇治抹茶拿鐵 $19｝奶味較抹茶味濃，比較淡。Ü