Video
Read full review
2013-01-30
79 views
早一陣子嚟九龍城區去隔鄰Lemon Shop 買泰式香料經過見有新店, 仲要係我喜歡的燒雞! 睇佢餐牌...仲要係"專門店"?! 就已經好想試! 但當日已食飽, 唯有另選他日再嚟食. 今晚既然唔响屋企開餐又突然想食, 就叫Honey同我過嚟, 好彩佢無異議, 因為無幾耐之前至陪我食咗"阿純燒雞", 幾驚佢話: 咁呀! 知我者Honey是也, "抽起條筋"想食就要食到"至安樂, 為食到不得了!!!!我哋叫咗兩份套餐, 每客包一碟燒雞, 自選一碗粉/麵/白飯/或菜粒油飯, 幾好, 選擇幾彈性呀! 樽庄汽水一瓶或咖啡/熱飲. 每位HK$45免加一. 我哋點咗'秘制香草燒雞'同埋要咗'惹味醬燒辣雞', 跟菜粒油飯. 首先講油飯, 一上枱, 好香, 怕肥就唔好叫喇, 因為確實唔錯! 相信用咗唔少雞油同蒜油撈所以香到我想快快趁熱扒晒碗飯, 一餐半餐, 肥少少都要頂硬上! 香草燒雞就當然好食過KXC啦, 一碟都有十幾件, 幾滑, 但味道方面唔算精彩到一定要再去試咁囉, 可能...我會希望香草味再濃少少! 總之尚有進步空間! 慢慢嚟, 仲咁新! 不過...'
我哋叫咗兩份套餐, 每客包一碟燒雞, 自選一碗粉/麵/白飯/或菜粒油飯, 幾好, 選擇幾彈性呀! 樽庄汽水一瓶或咖啡/熱飲. 每位HK$45免加一. 我哋點咗'秘制香草燒雞'同埋要咗'惹味醬燒辣雞', 跟菜粒油飯. 首先講油飯, 一上枱, 好香, 怕肥就唔好叫喇, 因為確實唔錯! 相信用咗唔少雞油同蒜油撈所以香到我想快快趁熱扒晒碗飯, 一餐半餐, 肥少少都要頂硬上! 香草燒雞就當然好食過KXC啦, 一碟都有十幾件, 幾滑, 但味道方面唔算精彩到一定要再去試咁囉, 可能...我會希望香草味再濃少少! 總之尚有進步空間! 慢慢嚟, 仲咁新! 不過...'惹味醬燒辣雞'呢個係我好期待試嘅, 仲有句slogan話: [挑戰味蕾'!] 嘩~嘩~ 咁正?! 改咗個咁嘅名, 好似會好'惹味'又可能會'辣'咁總之我見到個名就流晒口水啦! 試完後覺得餐牌俾我太大期望喇! 雖然幸運地有'雞肶'但食完後我又只係覺得滑同好食過KXC, 唔係非常'惹味', 少辣少到幾乎唔辣咁! 問題係...我睇個名, 我仲有考慮到"如果上菜後好辣就叫多支汽水"啦.... 哎呀~ 總之都幾失望, 唔通要遷就街坊老少咸宜? 一啲都唔辣....少辣都稱唔上! 當然如果佢個名唔係叫燒辣雞我唔會諗咁多嘢! Honey睇到呢度請原諒我又長氣咗...
成晚最正係碗油飯, 但個碗比較細, 雖然佢盡量裝到圓拱型滿滿一碗, 但相信女士應該啱啱夠飽, 男士應該係剛剛爭少少唔太夠, 當然如果係男仔食開兩碗飯嘅會索性俾$12蚊叫多碗, 但我覺得如果佢參考'茶樓燒味飯'做法, 碗上呢就收$45/碟上嘅飯量多少少, 收貴幾蚊, 會彈性好多, 起碼客人唔駛考慮叫多碗又怕食唔晒. 依家啱啱好似爭少少想叫多少少, 我不斷睇住張餐紙menu考慮叫份小食, 但呢度太太太'專門', 除咗雞, 還是雞, 又或者極其量有碟菜, 但如果唔叫菜, 真係諗唔到可以加啲咩, 唔通再叫一份叉燒$42咩? 好似又誇咗啲...'肉/肉'餐咁... 又或者叫$18雞翼? 咪又係雞! 小食的選擇真係唔多, 我個人方面, 其實會希望有醋漬蘿蔔呀/又或者青瓜粒呀之類之類的蔬菜類小食, 唔係齋叫碟'油菜'咁寡囉, 這是我的小小意見.
店是新店, 當然乾淨, 唔該keep住! 服務方面...或者係今晚無咩客的關係, 所以佢都算招呼得好妥貼. 侍應們的面口好和善, 幾好! GOOD! 希望第日人流多咗都會維持好服務就好喇! 唔好一'做大'咗, 侍應就當客人係仇家, '口面'佢或越叫越走! 希望啦!
其實Honey同我飯後散步時話如果呢間店嘅店面design唔係廚房縮咗响店內最入位置會更好, 因為如果你喺門口櫥窗有嘢睇, 有'師傅整緊嘢食'睇又好, 有'燒雞睇'又好, 都好! 至少應該會再吸多啲客嘅注意, 依家都有啲靠個客好奇睇吓佢放門外街邊的餐牌至知你賣咩嘅感覺, 門口拉客又唔可以做得太'積極'否則又會有反效果, 師傅們又好強調唔會有好多雞放出嚟, 為保新鮮, 賣晒一款至做另一隻, 唔...咁要'吸客人目光'又真係有啲難度...
相信係店新的關係, 晚市七點零都無咩客堂食, 反而有呢區的街坊叫外賣, 見佢每隔一陣都出一/兩袋外賣, 希望會日漸多啲生意, 始終今晚呢餐食完都係覺得OK嘅, 45蚊個餐, 地方幾好坐, 有電視'送'飯, 雖未至於: "[好好味!]", 但有進步空間! 有機會確係可以再試嘅, 而且店新, 希望味道方面可以改良/提升一下; 點都好, 我會再嚟試嘅! OK?!
Post
